Stuhia e furishme e një nate më parë në Sarandë ka lënduar disa persona, ndërsa 3 prej tyre kanë marrë ndihmë në spital. Mësohet se ata janë plagosur nga thyerja e xhamave të automjeteve të dëmtuara nga rrëzimi i një pishe në degët e stadiumit.
Një prej tyre është goditur nga degët e një peme ndërsa ecte me motor.
Gjatë natës janë hequr të gjitha pemët e rrëzuara. Disa zona kanë pasur probleme me energjinë elektrike. Te porti i Limionit është rrëzuar një shtyllë elektrike. Dëmet janë regjistruar edhe në banesa e biznese.
