Këshilli i Ministrave mori sot disa vendime të rëndësishme.
Sipas njoftimit të Agjencisë për Media dhe Informim, qeveria miratoi një seri masash në fusha të ndryshme. Një ndër vendimet kryesore është përcaktimi i kritereve dhe procedurave për dhënien e licencës për baste sportive online.
Po ashtu, u deklarua si pasuri kulturore e paluajtshme “Ansambël arkitektonik urban” një zonë në fshatin Lin.
Këshilli shpalli disa zona në Bashkitë Bulqizë, Pukë dhe Lezhë si “Zona me përparësi zhvillimin e ekonomisë malore”. U miratua Plani Kombëtar i Veprimit të Garancisë Evropiane për Fëmijët 2026–2030. Kuvendit iu dha mendimi për projektligjin joqeveritar mbi administrimin e pasurive të sekuestruara dhe të konfiskuara.
Po ashtu, u miratua ndërtimi i dy centraleve fotovoltaike në Bashkitë Kolonjë dhe Devoll, që nuk janë objekt koncesioni dhe nuk përfitojnë nga masat mbështetëse. Një nga kompanitë përfituese është “TEKNO FIRE” në Mbreshtan, ndërsa tjetra është “KRONOS KONSTRUKSION” në afërsi të fshatit Vërnik.
Po ashtu, Këshilli i Ministrave vendosi dhënien e pensionit të posaçëm shtetëror për Fatmir Qeramudin Cukën, në masën e dhjetëfishit të pensionit social. Ky vendim u mor në kuadër të politikave qeveritare për njohjen e meritave individuale.
Njoftimi:
Agjencia për Media dhe Informim ju njofton lidhur me Vendimet dhe Projektligjet e miratuara në mbledhjen e sotme të qeverisë, datë 26 mars 2026:
– Vendim për përcaktimin e kritereve të vlerësimit, afatet, procedurën e konkurrimit dhe metodologjinë e pikëzimit së subjekteve për dhënien e licencës për kategorinë e basteve sportive on-line.
– Deklarimin pasuri kulturore e paluajtshme “Ansambël arkitektonik urban” të një zone në fshatin Lin.
– Shpalljen “Zonë me përparësi zhvillimin e ekonomisë malore” të disa zonave në territorin e Bashkisë Bulqizë.
– Shpalljen “Zonë me përparësi zhvillimin e ekonomisë malore” në territorin e Bashkisë Pukë.
– Shpalljen “Zonë me përparësi zhvillimin e ekonomisë malore” të disa zonave në territorin e Bashkisë Lezhë.
– Miratimin e Planit Kombëtar të Veprimit të Garancisë Evropiane për Fëmijët 2026 – 2030.
– Dhënien e mendimit Kuvendit të Republikës së Shqipërisë për projektligjin joqeveritar “Për disa shtesa dhe ndryshime në ligjin nr.34/2019, “Për administrimin e pasurive të sekuestruara dhe të konfiskuara”.
– Miratimin e ndërtimit të centralit gjenerues të energjisë elektrike fotovoltaike dhe veprave ndihmëse, i cili nuk është objekt koncesioni dhe nuk përfiton nga masat mbështetëse, në njësinë administrative Mbreshtan, Bashkia Kolonjë, Qarku Korçë, nga shoqëria “TEKNO FIRE”.
– Miratimin e ndërtimit të centralit gjenerues të energjisë elektrike fotovoltaike dhe veprave ndihmëse, i cili nuk është objekt koncesioni dhe nuk përfiton nga masat mbështetëse, në afërsi të fshatit Vërnik, njësia administrative Qendër Bilisht, Bashkia Devoll, Qarku Korçë, nga shoqëria “KRONOS KONSTRUKSION”.
– Dhënien e pensionit të posaçëm shtetëror z. Fatmir Qeramudin Cuka, në masën e dhjetëfishit të pensionit social.
Lexo edhe:
Qeveria shkatërroi zonat e mbrojtura duke i hapur rrugë HEC-eve
Mafia e ndërtimit i vë zjarrin Pyllit të Sodës? Një oligark në mes, gati projekti për vila që nis nga Semani: Si po digjen me qëllim zonat e mbrojtura
Rama dhe Kumbaro i hapin rrugën masakrës me zonat e mbrojtura, gati llokmat për oligarkët pranë qeverisë
