Vijojnë problemet në aksin rrugor Maliq–Lozhan–Strelcë, si pasojë e rrëshqitjeve të dherave.
Në disa pjesë të këtij aksi janë shfaqur çarje në trupin e rrugës ndërsa në pjesët anësore ka pasur rrëshqitje dherash që kanë dëmtuar strukturën duke rritur rrezikun për qarkullimin e mjeteve.
Situata ka ngritur shqetësime mbi qëndrueshmërinë e punimeve dhe sigurinë në këtë aks pasi vetëm tre ditë më parë ky aks pësoi dëmtime të mëdha në kilometrin e 13 me dëmtimin e barrierës mbrojtëse dhe rrëshqitjen e dherave në trupin e rrugës.Ky aks, që lidh Maliqin me zonën e Lozhanit dhe më tej me qytetin e Gramshit u prezantua si një investim strategjik për juglindjen e vendit.
Me nje gjatësi prej 18.8 kilometrash, rikonstruksioni i kesaj rruge kushtoi rreth 1 164 381 419,00 lek (12 milionë euro).
Investitori është Autoriteti Rrugor Shqiptar, ndërsa punimet u realizuan nga kompania Gjikuria sh.p.k. e cila ka ende brenda garancisë 1-vjeçare këtë aks kombëtar.
Kjo është hera e dytë që në këtë segment raportohen probleme të ngjashme, çka shton dyshimet mbi cilësinë e punimeve.
Lexo edhe:
Reshjet e borës “paralizojnë” Kukësin, vështirësi në qarkullimin e mjeteve në disa segmente
Pamje SKANDALOZE nga aksi Qukës-Qafë Plloçë/ U përurua dy muaj më parë, rruga që kushtoi 260 milionë euro nis të degradohet!
Saga e Eftimiadhëve/ Nga Enver Hoxha tek Engjëll Agaçi; historia e familjes së madhe vlonjate që u grabit nga të gjitha qeveritë e Shqipërisë
