Ndërsa mori fjalën në Kuvend, Sali Berisha përsëriti akuzat e tij kundrejt qeverisë dhe kryeministrit Rama se “përdor parlamentin”.
Gjithashtu tha se Balluku, së cilës Kuvendi nuk ia hoqi imunitetin, ishte notere e vjedhjeve të kryeministrit, dhe ndryshe nga të tjerët, nuk mund të largohej.
“Këtë parlament, të shndërruar në mburojën më të turpshme në histori, të vjedhjeve të qytetarëve shqiptar. Këtë parlament që për herë të parë në 35 vite pluralizëm, mbron në mënyrën më të paskrupullt, antikombëtare, vjedhjet e Ramës dhe të klanit të tij familjar dhe qeveritar. Çdo gjë që dëgjoni të dashur qytetarë, është se Rama e ka shndërruar Parlamentin në leckë të vetën. Nuk ka ndodhur kurrë ndonjëherë, që shqiptarët të ngrihen në këmbë nga mbarë bota për imunitetin e Ballukut, e cila ishte notere e vjedhjeve të Ramës që vidhte bashkë me të. Ajo sot është me mandat. Është dhe një tjetër këtu, Olta Xhaçka, dy herë ka vendosur Gjykata për ndërprerjen e mandat të saj. Venecia ka marrë të njëjtin vendim. Olta është e rrethit familjar! Kështu është problemi. Ndaj edhe debatet shtyhen, por s’mund të shtyhen debatet. Kanë afate. Nuk negociohen, kanë afate interpelancat. Shtyhen se Rama nuk do në Parlament. Ajo e gjora Mirlindë, është me 4 apartamente e vila. Akshi i dy Lindave është bërë botëror. Ju dilni këtu pa asnjë rregullore dhe nuk respektoni Kushtetutën! Si ka mundësi që të jeni kaq të dobët. Ke një vendim gjykate kundër teje (I drejtohet Peleshit)”, tha ai.
Lexo edhe:
“Kjo e hënë fillon me këmbë të mbarë”, çfarë kanë rezervuar yjet për secilën shenjë horoskopi sot
Si i bëri shefi i urgjencës në QSUT 65 mijë euro? Pyetjet që ngrihen pas arrestimit të Olsi Bibollarit
Mori apo jo vendim për Ballukun? Shtegu që la Kushtetuesja që mazhoranca të mbrojë imunitetin e zv.Kryeministres së pezulluar
