Në Bashkinë e Himarës ka përfunduar numërimi edhe sa i përket kandidatëve në listat e hapura të subjekteve politike.
Më i votuari nga Partia Socialiste ka rezultuar Damian Gjiknuri me 1228 vota persona, i ndjekur nga Vullnet Sinaj me 668 vota. Pas tyre renditet Ardit Bido me 327 vota, Gjergji Mërkuri me 161 vota dhe Vasil Llajo me 142 vota.
Tek socialistët duhet të shkojmë tek vendi i 6-të që të gjejmë një grua më të votuar, e cila është Brunilda Mersini me 142 vota. Ina Majko, një kandidate e cila vjen nga komuniteti rom dhe Rama ka thënë se do të jetë ministrja e parë në qeverinë e tij të re ka marrë vetëm 5 vota në Himarë.
Nga ajo që vihet re është se tek socialistët dominojnë burrat në çdo qark tek listat e hapura, duke rrëzuar propagandën se ai e ka modernizuar aq shumë Shqipërinë, sa ka ndryshuar mentalitet dhe këtu gratë fitojnë me forcat e tyre.
Ndërkohë, sa i përket Partisë Demokratike, në Himarë më i votuari rezulton ish-kandidati për kryetar Bashkie Petraq Gjikuria me 1690 vota personale, i ndjekur nga Artan Liçaj me 256 vota. Gjithsesi, në Qarkun e Vlorës PD ka arritur të marrë vetëm 4 mandate dhe me këtë rezultat nuk do të futet asnjë kandidat nga lista e hapur.
Partia Socialiste
| Nr | Kandidati | Vota |
| 1 | Damian Gjiknuri | 1228 |
| 2 | Vullnet Sinaj | 668 |
| 3 | Ardit Bido | 327 |
| 4 | Gjergji Mërkuri | 161 |
| 5 | Vasil Llajo | 142 |
| 6 | Brunilda Mersini | 122 |
| 7 | Klevis Kaso | 81 |
| 8 | Evis Allushi | 42 |
| 9 | Briseida çakërri | 27 |
| 10 | Endri Hyseni | 18 |
| 11 | Mjaftesa Sulaj | 10 |
| 12 | Ina Majko | 5 |
Partia Demokratike
| Nr | Kandidati | Vota |
| 1 | Petraq Gjikuria | 1690 |
| 2 | Artan Liçaj | 256 |
| 3 | Matilda Qurku | 74 |
| 4 | Nada Daullja | 65 |
| 5 | Alta Azizi(Haluci) | 28 |
| 6 | Mario Runa | 26 |
| 7 | Edmond Fetahu | 17 |
| 8 | Ridvan Mersinaj | 12 |
| 9 | Monika Hoshafi | 8 |
| 10 | Selaudin Neloj | 8 |
| 11 | Romarjo Meminaj | 6 |
| 12 | Skënder Muço | 6 |
