Biznesmeni nga Kosova, Behgjet Pacolli, është paraqitur në Prokurorinë e Tiranës në kuadër të hetimeve që lidhen me koncesionin e Aeroportit Ndërkombëtar të Vlorës. Projekti, një nga më të mëdhenjtë në infrastrukturën shqiptare, po hetohet për mënyrën e ndarjes së aksioneve dhe respektimin e procedurave ligjore gjatë dhënies së kontratës.
Koncesioni për ndërtimin dhe operimin e aeroportit iu dha kompanisë “Mabco Constructions SA”, e lidhur me grupin e Pacollit, në bashkëpunim me partnerë lokalë dhe të huaj. Por më vonë, ndryshimet në përbërjen e aksionerëve dhe financimin e projektit ngritën dyshime për shkelje të rregullave të transparencës.
Aeroporti i Vlorës, me një pistë prej 3 200 metrash dhe një terminal prej 22 000 metrash katrorë, është parashikuar të shërbejë si nyje strategjike për turizmin në jug të vendit, me një kapacitet fillestar prej 2 milionë pasagjerësh në vit.
Projekti pritej të përfundonte në verën e vitit 2025, por hetimet aktuale mund të ndikojnë në ecurinë e tij.
Burime nga Prokuroria konfirmojnë se po verifikohet dokumentacioni financiar dhe ligjor i kontratës, ndërsa pritet të thirren edhe përfaqësues të tjerë të konsorciumit.
Hetimi për Aeroportin e Vlorës shihet si një nga rastet më të rëndësishme të koncesioneve infrastrukturore në Shqipëri gjatë vitit 2025.
Lexo edhe:
Behgjet Pacolli nën hetim për aeroportin e Vlorës, shërbimet partnere nxitën lëvizjen (dhe dyshimet për interesa strategjike ruse)
Behgjet Pacolli nuk ja del, detyron Ramën të shtyjë me një vit nisjen e fluturimeve nga aeroporti i Vlorës
600 milionë lekë, Rama i çon Behgjet Pacollit linjën e energjisë për aeroportin e Vlorës
