Nëna e njërës prej 15-vjeçareve të dyshuara për përfshirje në dhunimin e një 17-vjeçareje në Fier ka folur sërish për mediat përpara Gjykatës së Fierit, ku pritet të zhvillohet seanca për caktimin e masës së sigurisë ndaj tre vajzave të përfshira në ngjarje.
Ajo deklaroi se vajza e saj ndodhet e shtruar në një spital psikiatrik, ku po merr trajtim mjekësor. Nëna kërkoi mirëkuptim për gjendjen e së miturës dhe shprehu keqardhje për ngjarjen.
Sipas saj, problemet e vajzës kishin nisur prej kohësh, që kur ajo ishte nxënëse në një shkollë 9-vjeçare shtetërore. Ajo pretendon se familja kishte kërkuar ndihmë nga shkolla dhe psikologia, por nuk kishte marrë mbështetjen e nevojshme. Më pas, prindërit iu drejtuan Zyrës Arsimore në Fier dhe vendosën ta regjistronin vajzën në një shkollë private, ku, sipas saj, ajo nuk shkoi asnjë ditë pasi ndihej e bullizuar.
Nëna tha gjithashtu se nuk është në dijeni të diagnozës apo trajtimit që po merr vajza e saj në spital.
“Nuk di asgjë për gjendjen shëndetësore të vajzës. Jam shumë e shqetësuar. Në spital e kam takuar dy herë dhe nuk më është dukur mirë. Nuk e di nëse është në dijeni të pamjeve që janë bërë virale. Kur kthehej në orët e para të mëngjesit më thoshte se kishte qenë me shoqe, por nuk më tregonte më shumë. Nuk i njihja shoqet e saj, as prindërit e tyre. I pashë për herë të parë në polici. Nuk kam marrë avokat për vajzën. Prej një viti kemi shkuar disa herë në polici. Kur shkuam në shkollë bashkë me bashkëshortin për t’u ankuar për problemet e vajzës, drejtoresha na nxori nga zyra. Unë dua që vajza të marrë kurimin e plotë dhe këtë e kam kërkuar edhe në gjykatë”, u shpreh ajo.
Ndërkohë, në Gjykatën e Shkallës së Parë të Juridiksionit të Përgjithshëm Fier kanë mbërritur tre vajzat e përfshira në ngjarjen e rëndë të dhunës ndaj 17-vjeçares, e cila tronditi opinionin publik.
Njëra prej tyre, 19 vjeçe, është arrestuar me kërkesë të Prokurorisë nën dyshimin për veprën penale “Heqja e paligjshme e lirisë”, kryer në bashkëpunim, ndërsa dy të miturat janë gjithashtu nën hetim në kuadër të të njëjtit procedim penal.
Lexo edhe:
“Nuk kam asnjë energji për të urryer një shpirt” Beatrix ndan një mesazh të rëndësishëm me të gjithë
DINAMIKA/ Futi foshnjën e porsalindur në qese plehrash dhe e hodhi në lumë, pas aktit të rëndë nëna shkoi në spital! Si e mësoi policia ngjarjen
“Vajza s’ka numër telefoni të bashkëshortit, fliste në Messenger”- I filmuan tradhtinë, nëna e 20-vjeçares: Të gjithë qeshin me ne, duam ndihmë
