Një 32-vjeçar është shpallur në kërkim nga Policia e Kuçovës, pasi dyshohet se ka qëlluar me armë zjarri drejt automjetit të një 24-vjeçari.
Ngjarja ka ndodhur rreth orës 15:40 në lagjen “1 Maji”. Ka qenë pronari i automjetit, S. R., 24 vjeç, ai që ka njoftuar policinë pasi ka konstatuar se në drejtim të makinës së tij të parkuar ishte qëlluar me armë.
Pas veprimeve hetimore, policia ka identifikuar si autor të dyshuar A. Ç., alias A. Gj., 32 vjeç, banues në Kuçovë.
32-vjeçari është shpallur në kërkim, ndërsa grupi hetimor vijon punën për dokumentimin e plotë të ngjarjes dhe lokalizimin e kapjen e tij.
Materialet procedurale do t’i kalojnë Prokurorisë për veprime të mëtejshme.
Lexo edhe:
Qëlluan me armë zjarri drejt policisë, detaje të reja nga grabitja e dështuar në fshatin Prush. Policia në kërkim të “Audit” të bardhë, u largua drejt…
Qëlloi me armë zjarri në klubin e natës dhe u shpall në kërkim, kush është Mir Pepaj , “Kazanova” që u bë “shkaktar” për dhunimin e Klea Prengës nga motrat Berisha
Zbardhet atentati me dy të plagosur në Don Bosko, një 23-vjeçar nga Kamza qëlloi drejt lokalit, shpallet në kërkim
