Ishte në ndjekje të një shumëkërkuari në Dibër, efektivi bie nga lartësia, niset me urgjencë drejt Tiranës

Një efektiv i forcave “Shqiponja” ka mbetur i plagosur gjatë një operacioni për kapjen e një personi shumë të kërkuar në qytetin e Dibër.

Sipas burimeve paraprake, ngjarja ka ndodhur në momentin kur forcat e policisë janë futur në një banesë trekatëshe për të arrestuar autorin e dyshuar.

Gjatë ndërhyrjes, efektivi i “Shqiponjave”, Gentjan Meda, 40 vjeç, dyshohet se ka rënë nga një lartësia pasi dyshohet se i kerkuari e ka shtyrë.

Megjithatë, nuk përjashtohet as pista që ai mund të jetë plagosur me armë zjarri.

Burime nga vendngjarja bëjnë me dije se janë dëgjuar edhe krisma armësh, por rrethanat e sakta mbeten ende për t’u sqaruar nga hetimet zyrtare.

Efektivi i plagosur fillimisht ka marrë ndihmën e parë në spitalin e Peshkopi, ndërsa më pas është transportuar me helikopter drejt Tiranës për mjekim më të specializuar.

Policia dhe grupi hetimor ndodhen në vendngjarje dhe po punojnë për zbardhjen e plotë të rrethanave të këtij incidenti të rëndë.

Lexo edhe:

“Nuk kam asnjë energji për të urryer një shpirt” Beatrix ndan një mesazh të rëndësishëm me të gjithë Shkon për të vjedhur, por mbetet pa ndjenja për shkak të mbidozës, 39-vjeçari nga Saranda niset me urgjencë në Tiranë Një grua bie nga lartësia e pallatit në Tiranë, vdes 55- vjeçarja!