Kryeministri Edi Rama ka uruar sot Peter Magyar për fitoren në zgjedhjet parlamentare të zhvilluara të dielën në Hungari, duke e cilësuar atë si fillimin e një kapitulli të ri për vendin.
Rama shprehet se mezi pret të bashkëpunojë me kryeministrin e ri për të çuar përpara marrëdhëniet mes dy vendeve.
“Urime të ngrohta Peter Magyar për fitoren vërtet mbresëlënëse. I uroj kryeministrit të ri të Hungarisë çdo sukses në përpjekjen e madhe për të hapur një kapitull të ri për vendin e tij dhe mezi pres të punojmë së bashku për t’i afruar edhe më shumë dy vendet tona”, shkruan Rama.
Në të njëjtin reagim, Rama është ndalur edhe te raporti me ish-kryeministrin Viktor Orbán, për të cilin ka shprehur vlerësim.
“Ka qenë kënaqësi të punoja me kryeministrin Orban dhe të shihja Shqipërinë dhe Hungarinë të afrohen gjithnjë e më shumë. I uroj mikut tim Viktor gjithë të mirat në këtë kapitull të ri të jetës së tij”, thekson Rama.
Lexo edhe:
“Nuk kam asnjë energji për të urryer një shpirt” Beatrix ndan një mesazh të rëndësishëm me të gjithë
Aktorja e njohur turke shumë e dashur për shqiptarët i jep fund beqarisë, dalin pamjet nga dasma e saj mbresëlënëse në Ohër (FOTO)
I bindur për fitore të thellë më 11 Maj, Berisha mbyll protestën: Rama do ta paketojmë pas zgjedhjeve
