SPAK ka zgjeruar hetimet në çështjen që lidhet me zëvendëskryeministren dhe ministren e Infrastrukturës, Belinda Balluku, duke kryer kontrolle të reja në disa kompani të sektorit të ndërtimit.
Sipas gazetares Klodiana Lala, hetuesit kanë kontrolluar ambientet e kompanisë “Salillari”, një prej firmave më të njohura të sektorit, që prej vitesh fiton kontrata publike në infrastrukturë. Kompania është në pronësi të biznesmenit Pëllumb Salillari.
Kontrolle janë ushtruar gjithashtu edhe në kompaninë “Senka”, me seli në Lushnje, e cila zotërohet nga Ylli dhe Donika Senka.
Belinda Balluku, akuzohet për paracaktim të fituesve në tenderin e ndërtimit të Tunelit të Llogarasë, si edhe për shkelje në procedurat e lidhura me dosjen e Unazës së Madhe.
Më 31 tetor, SPAK e mori zyrtarisht të pandehur, ndërsa i ka kërkuar Kuvendit heqjen e imunitetit dhe autorizimin për arrestimin e saj.
Lexo edhe:
SPAK e ka gati, a do të hetohen pas arrestimit të Evis Berberit edhe tenderët ndaj oligarkëve Shefqet Kastrati dhe Pëllumb Salillari te Rruga e Kombit?
Tronditet qeveria, Rama dorëzon të vetët për inceneratorët: SPAK bën gati prangat për Veliajn dhe Ahmetajn
SPAK bën gati prangat, në shënjestër strategjikët Olta Xhaçka dhe Artan Gaçi? Çfarë tha Rama sot për Jorgo Goron
