Ka mbërritur ekspertiza mjeko-ligjore për Brian Spahiun, 3-vjeçarin që ndërroi jetë pas një ndërhyrjeje në një klinikë dentare në Tiranë.
Sipas ekspertizës italiane, shkaku i vdekjes së të miturit është përcaktuar, por akti i ekspertimit është voluminoz dhe po analizohet nga prokurorja e çështjes. Burimet pranë organit të akuzës bëjnë me dije se hetimet për ngjarjen janë drejt përfundimit.
Brian Spahiu ndërroi jetë më 1 tetor 2023, tre ditë pas një ndërhyrjeje kirurgjikale në klinikën private të mjekut Roland Xhaxho, brenda ambientit të spitalit privat të zemrës në Tiranë.
Babë e bijë, Roland dhe Ina Xhaxho, janë në hetim në gjendje të lirë nga Prokuroria e Tiranës për veprën penale “Neglizhenca në trajtim mjekësor”.
Lexo edhe:
SKANDALI/ Vajzës së Roland Xhaxhos iu refuzua licenca 6 herë, e mori 1 muaj pas vdekjes së të miturit Brian Spahiu
12-vjeçarja humbi jetën nga hemorragjia cerebrale, pritet ekspertiza mjeko-ligjore! E mitura ishte në shkollë kur…
Del FOTOJA, ky është 17-vjeçari që humbi jetën nga aksidenti në Tiranë!
