Deputetja socialiste Milva Ekonomi duke folur për skandalin e mishit të pulës me salmonelë, e ardhur nga Brazili në Shqipëri u përpoq të justifikonte dështimin e institucioneve shqiptare që kanë detytrim mbrojtjen e konsumatorëve. Deputetja Ekonomi e ftuar në A2 CNN, u shpreh se ngjarje të tilla ndodhin edhe në vende të tjera dhe jo vetëm në Shqipëri.
Sipas deputetes socoialiste autoritetet vendase duhet të përforcojnë sistemin e mbikëqyrjes së ushqimeve dhe kjo procedurë do të lehtësohet më tepër me asistencën e Bashkimit Europian.
“Unë besoj që këto raste nuk janë raste që ti nuk i shikon edhe në vende të tjera. Janë raste që i shikon në Shqipëri edhe në vende të tjera”, u përgjigj Ekonomi, duke theksuar se e rëndësishme është që si do të reagojë mbikëqyrja e tregut në të tilla raste.
