Astrit Hysenaj humbi JETËN në krye të detyrës, Bashkia e Durrësit heq përgjegjësinë nga vetja: U paraqit në punë dhe u largua… (Edhe pse TURNIN e mbyll në orën 14:00)

Astrit Hysenaj, 54 vjeç është viktima e parë nga moti i keq në vend.

Hysenaj dyshohet se është marrë nga rrjedha e ujit të martën, ditën e përmbytjeve masive në Durrës.

Ai punonte pranë ndërmarrjes komunale në plazh dhe dyshohet se ka humbur jetën në krye të detyrës.

Lidhur me ngjarjen ka reaguar edhe bashkia e Durrësit, sipas njoftimit Astrit Hysenaj paraqit në punë dhe u largua.

Burime për VoxNews thanë se orari i punojnësve të Ndërmarrjes Komunale Plazh është 6:00 deri në 14:00.

Njoftimi i bashkisë Durrës:

Bashkia Durrës informon se punonjësi i Ndërmarrjes Komunale Plazh, z. Astrit Hysenaj, më datë 06.01.2026, është paraqitur normalisht në vendin e punës në orën 06:00 dhe ka ushtruar detyrën deri rreth orës 10:30, kohë në të cilën është larguar nga ambientet e punës.

Rreth orës 16:00 të së njëjtës datë, familjarët e z. Hysenaj kanë kontaktuar përgjegjësin e Ndërmarrjes Komunale Plazh për të marrë informacion, pasi ai nuk ishte kthyer në banesë.

Përgjegjësi i ndërmarrjes i ka informuar familjarët se punonjësi ishte larguar nga puna rreth orës 10:30. Më pas, familjarët kanë njoftuar Policinë e Shtetit.

Lexo edhe:

Aksident në sy të Policisë/ Përplasen dy makina në Vorë, plagoset efektivja e Rrugores, në krye të detyrës E TRISHTË/ Prej 27 vitesh në krye të detyrës, ndërron jetë mjekja anesteziste në QSUT! “Nuk kam asnjë energji për të urryer një shpirt” Beatrix ndan një mesazh të rëndësishëm me të gjithë