Ka hyrë zyrtarisht në fuqi vendimi i qeverisë për shpalljen e situatës së veçantë në tregun e hidrokarbureve pas shtrenjtimit të çmimeve, pas luftës në Lindjen e Mesme.
Vendimi është marrë me firmë të kryeministrit Edi Rama dhe kompanitë kanë afat deri më datë 24 mars që të dorëzojnë pranë ministrit përgjegjës për Ekonominë përfaqësuesit e tyre në përbërje të këtij bordi.
Bordi pritet të mblidhet brenda kësaj jave për caktuar çmimet tavan për tregtimin e naftës.
Prej 5 ditësh çmimi i naftës me pakicë në vend nuk ka pësuar asnjë ndryshim, pavarësisht luhatjeve në bursën ndërkombëtare ndikuar nga konflikti në lindjen e mesme.
Kompanitë e karburanteve i kanë fiksuar çmimet në 214 lekë dhe 217 lekë që prej 19 marsit.
Kryeministri Edi Rama lajmëroi të shtunën se akciza do të ulet me 20% kur çmimi të kapërcejë mbi 220 lekë për litër.
