Arrestimi në Francë i shtetasit shqiptar Ermal Beqiri, pas fluturimit me një avion të vogël mbi centralin bërthamor të Penly, pritet të pasohet nga një procedurë gjyqësore që mund të çojë në ekstradimin e tij drejt Shqipërisë.
Sipas raportimit të medias franceze La Journal du Dimanche, ndaj Beqirit ekziston një urdhër kërkimi i lëshuar nga autoritetet shqiptare.
Nëse ky informacion konfirmohet zyrtarisht dhe urdhri rezulton i vlefshëm, autoritetet franceze mund të shqyrtojnë kërkesën për dorëzimin e tij tek drejtësia shqiptare.
Procedura nuk është automatike.
Fillimisht, Franca përfundon verifikimet mbi veprat penale të kryera në territorin e saj.
Vetëm më pas gjykata kompetente shqyrton kërkesën e ekstradimit të paraqitur nga shteti kërkues.
Në rastin konkret, Ermal Beqiri, në cilësinë e pilotit është gjobitur për shkeljen e rregullave të fluturimit mbi një zonë të mbrojtur, ndërsa hetimet e autoriteteve franceze vijojnë për të verifikuar nëse ka elementë të tjerë penalë që lidhen me ngjarjen.
Sipas medias franceze, çështja është marrë në dorëzim nga Zyra Qendrore për Luftën kundër Krimit të Organizuar (OCLCO).
Nëse autoritetet franceze nuk do të ngrenë akuza të tjera që kërkojnë gjykimin e tij në Francë, atëherë procedura e ekstradimit mund të marrë përparësi.
Në rast se ekstradimi miratohet, Ermal Beqiri do t’u dorëzohet autoriteteve shqiptare, ku do të përballet me procedurat penale për dosjen “AKSHI” ku ai akuzohet për qindra milionë euro abuzime.
Lexo edhe:
Arrestimi në Francë i Ermal Beqirit, policia: Sot do t’i komunikohet zyrtarisht kërkimi ndërkombëtar
“Nuk kam asnjë energji për të urryer një shpirt” Beatrix ndan një mesazh të rëndësishëm me të gjithë
Si po zhvillohet turizmi në Shqipëri në kurriz të mjedisit, rreziqet e mbindërtimeve dhe erozionit
