Prokuroria Themelore në Prishtinë ka autorizuar Policinë e Kosovës për të nisur veprimet hetimore lidhur me një incident të rëndë të sigurisë financiare në “Raiffeisen Bank”.
Hetimet kanë nisur pas dyshimeve se një punonjës i kësaj banke ka pasur qasje të paautorizuar në llogarinë bankare të kryetarit të Komunës së Prishtinës, Përparim Ramës.
Sipas burimeve nga organet e rendit, personi i dyshuar për këtë ndërhyrje është identifikuar si Albion Ferati. Motivorët e këtij veprimi, nëse lidhen me arsye personale apo profesionale, mbeten ende të paqarta për hetuesit.
Nga ana e saj, “Raiffeisen Bank” ka konfirmuar zyrtarisht pranimin e ankesës nga z. Rama dhe ka bërë të ditur se ka nisur procedurat e brendshme të verifikimit. Përfaqësuesit e bankës deklaruan se kanë ndërmarrë masat e nevojshme dhe kanë njoftuar institucionet shtetërore për kompetencë të mëtejshme hetimore./Kapitali.al
Lexo edhe:
Sulm kibernetik , Raiffeisen Bank gënjen klientët : Po kryejmë punime në faqen Raiffeisen.al
“Duan të na godasin, më shaj!”/ Hetimet “top sekret” për Forcën Operacionale! Nga ‘Metamorfoza’, te linja e paautorizuar e internetit, dritëhijet e karrierës së Oltian Bistrit
SKANDALI/ Prokuroria fle mbi kontenierët e mbetjeve toksike në Durrës, dyshime për ndërhyrje korruptive të “Kurum”!
