Deputetët i kanë kushtuar buxhetit të shtetit afro 541 mijë euro vetëm gjatë muajit korrik 2026, përmes pagave dhe përfitimeve të tjera financiare.
Pasqyrat financiare të Kuvendit të Shqipërisë tregojnë se, përveç pagës bazë prej afro 2 mijë eurosh në muaj, ligjvënësit kanë përfituar rimbursime për karburantin, telefoninë, qiratë e banesave, hotelet, dietat e udhëtimeve dhe honoraret për pjesëmarrjen në komisione.
Vetëm përfitimet shtesë, pa përfshirë pagat, arritën në rreth 251 mijë euro gjatë korrikut.
Deputetët që përfituan më shumë
Dhjetë deputetët me përfitimet më të larta shtesë gjatë muajit korrik, sipas shumave të konvertuara në euro, janë:
- Antoneta Dhima – 2,812 euro
- Elton Korreshi – 2,812 euro
- Zamira Sinaj – 2,812 euro
- Erjo Mile – 2,794 euro
- Bledi Çomo – 2,794 euro
- Ledina Alolli – 2,757 euro
- Zegjine Çaushi – 2,738 euro
- Ilirjan Pendavinji – 2,720 euro
- Fadil Nasufi – 2,702 euro
- Kiduina Zaka – 2,702 euro
Zërin më të madh të shpenzimeve shtesë e përbëjnë dietat për udhëtimet brenda vendit, me një faturë totale prej 156,243 eurosh.
Për karburantin janë rimbursuar 49,512 euro, ndërsa shpenzimet e telefonisë kanë arritur në 23,991 euro. Kuvendi ka paguar gjithashtu 14,484 euro honorare për mbledhjet e komisioneve, 6,570 euro për qira banese dhe 194 euro për fatura hoteli.
Në total, përfitimet dytësore të deputetëve arritën në 250,997 euro. Duke i shtuar edhe rreth 290 mijë euro paga bazë, fatura e përgjithshme për muajin korrik llogaritet në 540,997 euro.
Lexo edhe:
Nga Peleshi tek Bardhi, 78 mijë euro dieta për një muaj që deputetët të shkojnë në zonën elektorale, kush mori para më shumë?
Hotel, bileta avioni dhe dieta, deputetët për 8 muaj deputetët shpenzuan 400 mijë euro për udhëtime jashtë vendit!
Pagën 70 mijë lekë në muaj, kush ia financon luksin e shfrenuar nënkomisares së Elbasanit?
