Kuvend i ri me “pasione” të vjetra, Rama pikturon, Berisha sheh Tik-Tok dhe deputeti hap librin për të lexuar! Çfarë nuk u pa nga seanca

Deputetët e Kuvendit të ri u betuan sot në një sallë të zhurmshme, ku nuk munguan akuzat por edhe batutat e të qeshurat mes tyre.

E midis këtyre momenteve, ligjvënësit gjetën kohën t’i kushtohen pasioneve të tyre. Kreu i Partisë Demokratike, Sali Berisha, nuk e heq nga dora iPadin e famshëm. Ai u filmua duke parë videot e Edi Ramës në Tik-Tok.

Nga ana tjetër, kryeministri u filmua duke pikturuar në faqet e librit të Etikës së Deputetit. Ai më pas i bëri një fotografi me telefon “kryeveprës” së tij, mesa duket për t’ia nisur dikujt me mesazhe, ose arkivuar.

Deputeti socialist Vullnet Sina shfletoi librin e Henry Kissinger, Diplomacia. Ai duket se e kishte të autografuar librin nga kryeministri Rama, i cili ka shkruar edhe parathënien.

Ndonëse me figura të reja, ligjvënës për herë të parë në Parlament, atmosfera përgjithësisht u duk jo shumë e ndryshme nga legjislaturat e mëhershme.

Lexo edhe:

Kuvend i ri, ‘zakone të vjetra’! Berisha zapton foltoren, 72 deputetë ulen për herë të parë në karrige Sherr në Kuvend, Berisha ngrihet në këmbë, Rama: Ulu se je “non grata” Rama reagon për kaosin në Kuvend: Kanë prekur fundin, Berisha nuk do i lëshojë derisa të shkërmoqen