Sipas një raportimi të ri nga Wall Street Journal, banka JPMorgan Chase ka ofruar një marrëveshje prej 1 milion dollarësh për të zgjidhur një çështje që lidhet me akuza për sulm seksual ndaj ish-punonjësit Chirayu Rana prej drejtueses shqiptare Lorna Hajdini, përpara se pretendimet të merrnin vëmendje të gjerë publike.
Raporti thekson gjithashtu se në muajin prill, avokatët e Rana-s kanë kundërpropozuar një zgjidhje prej 11.75 milionë dollarësh për mbylljen e çështjes, duke sinjalizuar kështu refuzimin e tij ndaj ofertës fillestare dhe më pas, dërgimin e çështjes në proces gjyqësor.
Një ish-bankier i JPMorgan Chase, Chirayu Rana, është vënë në qendër të një skandali, pasi dyshohet se ka gënjyer kompaninë duke thënë se babai i tij kishte vdekur, në mënyrë që të përfitonte rreth tre muaj leje të paguar nga puna.
Sipas raportimeve nga The New York Post, Rana, 35 vjeç, kishte njoftuar në dhjetor 2024 se i ati i tij kishte ndërruar jetë dhe se duhej të largohej nga puna për t’u marrë me familjen. Kjo i lejoi atij të kombinonte disa forma lejeje të paguar, përfshirë edhe ditët e zakonshme të lejes për raste zie.
Megjithatë, babai i tij, Chaitanya Rana, rezulton të jetë gjallë dhe ka deklaruar për The New York Post se nuk ishte në dijeni të asnjë konflikti ligjor të lidhur me të birin. Ai është kontaktuar në shtëpinë e familjes në Virginia dhe ka thënë se nuk ka pasur komunikim me të birin për këtë çështje.
Rana, i cili më vonë u largua nga JPMorgan, po ashtu është përfshirë në një padi të bujshme kundër një ish-kolegeje shqiptare, Lorna Hajdinit dhe vetë bankës, ku ai pretendon abuzime serioze në vendin e punës, përfshi edhe abuzime seksuale.
Megjithatë, raportimet e medias amerikane thonë se disa nga këto pretendime nuk përputhen me të dhënat e brendshme të kompanisë dhe janë kundërshtuar nga JPMorgan.
Sipas burimeve të cituara nga media, gjatë periudhës së lejes së tij ai ka përgatitur edhe padinë ligjore kundër ish-punëdhënësit dhe koleges së tij. Hetimet e brendshme të JPMorgan, sipas një zëdhënësi të bankës, nuk kanë gjetur prova që mbështesin akuzat e tij.
Rasti ka marrë vëmendje të madhe në SHBA për shkak të kombinimit të pretendimeve ligjore, sjelljes së dyshuar mashtruese për leje pune dhe përfshirjes së një institucioni të madh financiar si JPMorgan. Hetimet dhe proceset ligjore për këtë çështje vazhdojnë.
Lexo edhe:
“Nuk kam asnjë energji për të urryer një shpirt” Beatrix ndan një mesazh të rëndësishëm me të gjithë
FOTO/ Miliarderi i njohur i ofroi 790 mijë dollarë për të bërë s*ks, modelja e nxjerr zbuluar: Donte ta regjistronte
Anisa Vrioni bëri aksident, burri i saj biznesmeni Ergest Vrioni ofroi para për të mos e arrestuar, çfarë ka dosja e bujshme e SPAK për Roven Zekën
