Rabea, bashkëshortja e Mirit, ka reaguar publikisht për herë të parë pas komenteve dhe kritikave të shumta që kanë qarkulluar në rrjetet sociale lidhur me marrëdhënien e afërt të artistit me Selin brenda shtëpisë së Big Brother.
Sjellja e Mirit në reality show ka nxitur debate mes ndjekësve, të cilët kanë vënë në dyshim stabilitetin e martesës së tij jashtë shtëpisë.
Në përgjigje të këtyre reagimeve, Rabea ka zgjedhur të flasë përmes një postimi në rrjetet sociale, ku ka shprehur mbështetje të plotë ndaj bashkëshortit.
Ajo ka theksuar se besimi është baza e marrëdhënies së tyre dhe se nuk ka vend për xhelozi. “Në çdo hap që bën, do jem me ty. Besimi është themeli i martesës sonë dhe xhelozia është e panevojshme”, shkruan Rabea, duke nënvizuar se qëndron e qetë dhe e sigurt për vendimet e Mirit brenda shtëpisë.
Reagimi i saj ka tërhequr vëmendjen e ndjekësve dhe ka hapur diskutime të reja në rrjetet sociale, ndërsa historia e Mirit dhe Selit vijon të mbetet në qendër të vëmendjes së publikut të formatit.
