Administrata amerikane e Donald Trump po shqyrton mundësinë e përdorimit të forcave speciale për të ndërhyrë te centralet bërthamore iraniane dhe për të larguar uraniumin e pasuruar.
Sipas burimeve të Axios, forcat speciale mund të punojnë së bashku me shkencëtarë dhe ndoshta me Agjencinë Ndërkombëtare për Energjinë Atomike (AIEA). Qëllimi është të sigurohet materiali që mund të përdoret për prodhimin e armëve bërthamore.
SHBA konsideron 450 kilogramët e uraniumit të pasuruar 60% si një kërcënim të madh, pasi do të duheshin vetëm javë për ta përgatitur për armë. Uraniumi përdoret për karburant reaktorësh, por gjithashtu mund të përdoret për armë bërthamore.
Parandalimi i Iranit nga pajisja me armë bërthamore është një nga qëllimet kryesore të politikës së Trump, dhe sekuestrimi i këtij uraniumi është konsideruar kyç për arritjen e objektivit.
Lexo edhe:
Ushtria amerikane publikon pamjet se si bombat shkatërruan centralet bërthamore të Teheranit
“Mali i shenjtë” që fsheh fuqinë bërthamore iraniane: Çfarë ka në strukturat 90-100 metra nën tokë
Pse nuk pati rrezatim pas sulmit të SHBA? A e spostoi Irani uraniumin e pasuruar para goditjes dhe dyshimet e fotove të kamionëve
