Një 31 vjeçar, Neldi Hallulli u arrestua në Kavajë pasi dyshohet se mori një kallashnikov për të vrarë 38-vjeçarin Indrit Rama, me të cilin ishte konfliktuar më herët.
Policia ndërhyri pas informacionit për sherrin dhe e kapi Hallullin teksa mbante kallashnikovin me vete, duke parandaluar vrasjen.
Arma dhe municioni u sekuestruan.
Ndërkohë, nën hetim në gjendje të lirë u vendos, Indrit Rama.
Ky i fundit akuzohet për “dëmtime të tjera me dashje” pasi qëlloi me grushte 31-vjeçarin.
“Pas marrjes së informacionit në rrugë operative se në zonën e Spillesë, Rrogozhinë, po ndodhte një konflikt, shërbimet e Policisë u organizuan dhe ndërhynë menjëherë për parandalimin e përshkallëzimit të konfliktit.
Si rezultat i veprimeve të shpejta dhe të koordinuara të shërbimeve të Komisariatit të Policisë Kavajë dhe Postës së Policisë Rrogozhinë, u bë e mundur kapja në flagrancë e shtetasit N. H. Në momentin e ndërhyrjes së shërbimeve të Policisë, ky shtetas mbante një armë zjarri, “Kallashnikov”.
Nga veprimet e para hetimore dyshohet se shtetasi N. H. kishte pasur një konflikt me shtetasin I. R. dhe, në vijim të konfliktit, dyshohet se kishte qëllim ta vriste atë.
Ndërhyrja e menjëhershme e shërbimeve të Policisë bëri të mundur parandalimin e një ngjarjeje të rëndë kriminale, duke shmangur përshkallëzimin e konfliktit dhe pasojat e rënda për jetën e 38-vjeçarit.
Po në vijim të veprimeve u procedua penalisht dhe shtetasi I. R., për “Dëmtime të tjera me dashje”, sepse ka goditur me grushte shtetasin N. H., duke i shkaktuar dëmtime të lehta trupore”, njofton Policia e Durrësit.
Lexo edhe:
Emri/ Zbardhet atentati në Greqi, shqiptari me precedentë të rëndë penalë tentoi të vriste një 39-vjeçar, ndodhej në makinë së bashku me nënën
“Nuk kam asnjë energji për të urryer një shpirt” Beatrix ndan një mesazh të rëndësishëm me të gjithë
Polici qëllon me armë zjarri në ajër pas përplasjes me një grup personash në Kavajë
