Një operacion ndërkombëtar mes Policisë së Shtetit dhe agjencive federale amerikane të zbatimit të ligjit ka çuar në pranga në Nju-Jork një prej personave më të kërkuar nga drejtësia shqiptare, të dënuar dy herë me nga 25 vite burgim për tri vrasje të kryera në Qarkun e Shkodrës.
Në kuadër të bashkëpunimit me agjencinë federale amerikane DSS/OCIU pranë Ambasadës së SHBA-së në Tiranë, si dhe dy agjencive federale USMS (Shërbimi i Marshallëve të SHBA) dhe ICE (Agjencia e Emigracionit dhe Doganave), u bë i mundur lokalizimi dhe arrestimi i 52-vjeçarit Valentin Ftoni.
Ftoni ishte shpallur në kërkim ndërkombëtar që prej vitit 2001. Hetimet zbuluan se ai ishte larguar nga Shqipëria duke përdorur dokumente të falsifikuara dhe të paktën dy identitete të rreme për të hyrë ilegalisht në SHBA, ku më pas përdorte edhe një tjetër identitet të rremë të marrë nga një vend i Amerikës Qendrore.
Më 28 shtator 2001, Gjykata e Shkodrës e ka dënuar me 25 vjet burgim për vrasjen me paramendim në bashkëpunim të shtetasve Gjelosh dhe Adrana Markaj ,ngjarje e ndodhur më 19 shtator 2000 në fshatin Ças të Velipojës për motive gjakmarrjeje.
Më 18 nëntor 2008, Gjykata e Shkodrës e ka dënuar sërish me 25 vjet burgim për vrasjen me paramendim të shtetasit Gac Toma, të kryer më 12 gusht 2001.
Lexo edhe:
U arrestua në SHBA pas dekadash, kush është Valentin Ftoni që ka kryer tre vrasje në Shqipëri
FOTO+VIDEO/ Nju Jork vishet kuq e zi, VIP-at që morën pjesë në festën e shqiptarëve
Kush është Deborah Keçi, drejtorja e famshme nën akuzë nga SPAK! Aventura dhe pushime lluksi nga Maldivet në Nju Jork, Paris… (FOTO)
