Është thelluar tragjedia e ndodhur në Shkodër, pasi mësohet se janë gjetur 3 trupa të pajetë në banesën e pabanueshme që u shkrumbua pasditen e sotme në Domen të Postribës.
Nëna Blerina Çobaj 24 vjeçe ishte në banesë me fëmijët e moshës 1 vjeç e gjysmë dhe 3 vjeç.
Bleona Çelaj së bashku me dy fëmijët e mitur, sapo ishin kthyer nga Gjermania.
Sipas të dhënave paraprake, nëna ka qenë duke gatuar kur banesa ka marrë flakë, ndërsa zjarri është përhapur me shpejtësi.
Njoftimi i policisë Shkodër:
Rreth orës 13:10, në fshatin Domen, Shkodër, ka rënë zjarr dhe është djegur banesa në pronësi të shtetasit B. Ç.
Shërbimet e Policisë dhe punonjësit e shërbimit zjarrfikës, pas marrjes së njoftimit, kanë shkuar në vendngjarje.
Nga veprimet e para dyshohet se, si pasojë e zjarrit, kanë humbur jetën shtetasja B. Ç., 24 vjeçe, dhe dy fëmijë të mitur, përkatësisht 3 vjeç dhe 1 vjeç e gjysmë.
Grupi hetimor, nën drejtimin e Prokurorisë, po punon për përcaktimin e shkakut të rënies së zjarrit dhe dokumentimin e plotë të rrethanave të ngjarjes.
Lexo edhe:
Si ishte dhe si është kthyer në ferr qyteti i engjëjve: PAMJET dramatike nga ajri të zjarrit në Los Angeles
U dhunua nga infermierja në një azil në Kosovë, del raporti mjekësor për të moshuarën: U dogj në këmbë dhe u godit me sende të forta
U ekzekutua me armë dhe u dogj, identifikohet shqiptari që dyshohet se mund të jetë viktima (EMRI-FOTO)
