Një aksident i rëndë në punë i mori jetën një 64-vjeçari këtë të diel në zonën e Paskuqanit, ndërsa policia arrestoi administratorin e firmës ku ndodhi ngjarja.
Punëtori me iniciale H. P. humbi jetën pasi ra nga një lartësi gjatë punës në një kompani nënkontraktore, rreth orës 10:30 të paradites.
Pas ngjarjes, në mbrëmje, rreth orës 18:00, specialistët për Hetimin e Krimeve në Komisariatin e Policisë Nr. 5 arrestuan në flagrancë administratorin e kompanisë “Al Great Shpk”, Avni Mekshi, 61 vjeç.
Policia po heton rrethanat e aksidentit dhe nëse janë respektuar rregullat e sigurisë teknike në vendin e punës.
Materialet procedurale i janë referuar Prokurorisë së Tiranës, e cila pritet të kryejë veprime të mëtejshme hetimore për zbardhjen e plotë të ngjarjes.
Lexo edhe:
Tragjedia në Lushnje, arrestohet sipërmarrësi, ande asgjë për deputetin Bujar Çela dhe kryebashkiaken Sefa
Sa PAK vlen jeta në Shqipëri!! Mediat e blera dhe të dh*era nuk raportojnë vdekjen e punëtorit te kompleksi i Samir Manes
Vrasja e pronarit grek dhe mikut shqiptar/ Zbardhet TESTAMENTI, greku i la gjysmën e pasurisë punëtorit!
