Në Gjykatën e Tiranës u mbajt këtë të premte procesi për caktimin e masës së sigurisë ndaj Julide Yazici, një 32 vjeçare turke e arrestuar me qëllim ekstradimin në Turqi.
Gjykata vendosi ta lejë atë në burg, pasi u arrestua në Rinasd dy ditë më parë (kujtojmë që ajo kishte qenë në Shqipëri edhe një vit më parë).
Yazici është aktiviste, gazetare dhe një person që ka protestuar kundër Erdoganit në Turqi.
Ajo raportohet se ka fituar azil politik në Francë për përndjekje politike në Turqi.
Nëse Shqipëria vendos ta ekstradojë atë në Turqi, 32-vjeçaren e pret burgu.
32-vjeçarja akuzohet në Turqi për mbështetje të terrorizmit.
Yazici kërkohet nga autoritetet turke për të vuajtur një dënim të mbetur prej 3 vjetësh, 5 muajsh e 22 ditësh, nga dënimi me 4 vjet burgim në total, nën dyshimet për dhënie të ndihmës logjistike dhe pjesëmarrje në organizatë terroriste.
Çdo person që është kundër Erdogan, prej vitesh akuzohet në fakt për terrorizë,.
Ndaj Shqipëria, duhet të mendohet mirë, para se të marrë një vendim.
Aq më tepër, nëse është e vërtetë që ajo ka fituar azil politik në Francë.
Gazetari i njohur Enver Robelli, shkruan se nëse Shqipëria vendos ta ekstradojë atë, do të kishim të bënim me një krim.
“Nëse ka fituar azil politik në Francë, pra në një vend të BE-së, ku Shqipëria dëshiron të anëtarësohet, pra edhe t’i respektojë ligjet, vlerat dhe standardet e BE-së, atëherë ekstradimi i saj në Turqi do të ishte KRIM. Dhe atë: KRIM i shtetit shqiptar.
Frikësohem se servilizmi i paparë i politikanëve shqiptarë, si në të kaluarën edhe tash, mund të ketë pasoja fatale për aktivistë, të cilët në mënyrë paushalle akuzohen për “terrorizëm”, pa asnjë fakt”, shkruan ai.
Sipas tij, interesant do të jetë qendrimi i Ambasadës franceze në Tiranë:
“Sidoqoftë, do të ishte interesant të dihet se cili është qëndrimi i Ambasadës së Francës në Tiranë ndaj këtij rasti”.
Deri më tani, kjo Ambasadë nuk ka bërë asnjë reagim.
Lexo edhe:
“Dilemë strategjike për Moskën”/ Franca nuk tërhiqet nga ndihma për Kievin, planifikon dërgimin e Forcave Speciale në Ukrainë
BSH në dilemë/ “Shpresojmë që lufta të mbarojë shpejt, për momentin nuk po ndërhyjmë”
Mesazhet e “fshehura” pas bisedimeve SHBA-Rusi, hyrja në fushë e Erdogan, roli i BE dhe mungesa e Kinës
