Një grup i vogël protestuesish kanë kaluar natën përpara kryeministrisë dhe gjenden ende aty edhe mëngjesin e sotëm.
Ata janë ulur në disa karrige metalike, ndërsa në shkallët e kryeministrisë shihen edhe këpucë, një simbol për të larguarit në emigrim.
Policia ndodhet e pranishme, ndërsa qarkullimi i makinave në bulevard vijon të jetë i bllokuar që nga dita e djeshme.
Edhe pas përfundimit të protestës të së shtunës, një grup protestuesish vijuan qëndrimin e tyre para godinës së qeverisë, i cili zgjati përgjatë gjithë ditës së diel.
Ndërkohë sot në orën 19:00 është lajmëruar protesta e 23 kombëtare e cila kërkon dorëheqjen e kryeministrit dhe qeverisë Rama. Një protestë e cila nisi për shkak të zhvillimeve në Zvërnec por që tashmë po artikulon dhe disa kërkesa politike.
