Një foto e Pete Hegseth menjëherë pas sulmit gjatë darkës së korrespondentëve në Washington, e realizuar nga Reuters prapa skenave, po qarkullon gjerësisht në rrjetet sociale dhe po ushqen teori konspirative, së bashku me një deklaratë të zëdhënëses së Shtëpisë së Bardhë.
Në imazhe, shefi i Pentagonit shihet duke buzëqeshur, ndërsa anëtarë të tjerë të qeverisë, si sekretari i Thesarit Scott Bessent, sipas dëshmitarëve dukeshin dukshëm të tronditur.
Për të mbështetur tezën se të shtënat mund të kenë qenë një “skenar i inskenuar” – fjala angleze “staged” është bërë virale – ka kontribuar edhe reagimi i Dana White, kreu i organizatës së arteve marciale të përziera dhe mik i Donald Trump.
Duke u larguar nga hoteli, White u tha mediave:
“Ishte jashtëzakonisht fantastike. E shijova çdo minutë. Ishte një përvojë e çmendur dhe unike.”
Ai madje u mburr se nuk kishte ndjekur urdhrat e Secret Service për t’u strehuar gjatë incidentit.
